Palaeontologia Electronica žurnalynda çap edilen täze barlag akulalaryň gadymy ata-babalary bolan megalodonyň (Otodus megalodon) gurluşy barada täze maglumatlary açdy. Olar 24 metre çenli ösüp bilýän eken. Mundan ozal alymlar onuň uzynlygy 18–20 metrden geçmändir diýip çaklaýardylar.
SeaWorld seýilgähiniň hünärmeni we barlagyň şärikdeş awtory Fillip Sternes Live Science-a öňki çaklamalaryň akulanyň dişiniň ululygyna esaslanandygyny düşündirdi. Indi alymlar megalodonyň galyndylaryny dürli döwürlerde ýaşan akulanyň 150-den gowrak görnüşi bilen deňeşdirdiler. Görlüp oturylsa, bu gadymy ýyrtyjy diňe bir uzyn bolman, eýsem öň pikir edilişinden birneme "gelşikliräk" bolupdyr. Megalodon 20-36 million ýyl ozal ýaşapdyr. Bu akulanyň doly skeleti tapylmady, ol baradaky bilýän zatlarymyz oňurgalarynyň, dişleriniň we gowunyň galyndylaryna esaslanýar. Tapylan iň uly fragment oňurgasynyň 11 metr uzynlykdaky bölegi bolup durýar.
