Awstraliýadaky Kýortin uniwersitetiniň alymlary has çydamly we ekologiýa taýdan arassa, suwdan goraýan aýna döretmegiň täze usulyny oýlap tapdylar.
Bu işläp taýýarlama bagyşlanan makala Advanced Functional Materials. žurnalynda çap edildi.
Hünärmenler himiki serişdeler we polimerler ulanylýan adaty usullary zäherli däl tehnologiýa bilen çalyşmagy teklip etdiler. Aýna diazoniýa duzlary bilen örtülendir we soňra ultrases bilen işlenip bejerilýär, bu bolsa çydamly suwdan goraýan örtük döretmäge mümkinçilik berýär.
Adaty usullardan tapawutlylykda bu örtük wagtyň geçmegi bilen könelmeýär ýa-da suw täsir edende zaýalanmaýar.
Barlagyň baş awtory Nadim Darwiş: "Biziň usulymyz molekulýar derejede güýçli himiki baglanyşyk döredýär we ony çydamly hem-de ekologiýa taýdan arassa edýär" -diýip belledi.
Mundan başga-da, üýtgedilen aýnanyň başga artykmaçlyklary hem bar: oňa bakteriýalar, kömelekler we mikrosuwotular ýelmeşýärler. Bu ony häzirki zaman süzgüç ulgamlarynda, bio ýangyç öndürmekde ýa-da beýleki tehnologiki amallarda ulanylmaga mümkinçilik berer. Mysal üçin, örtükli aýna hapa suwlary süzgüçden geçiriş ulgamlarynda bakteriýalary saklap biler ýa-da howa süzgüçlerinde mikroorganizmlere himiki päsgelçilik bolup biler.
