Serdar Berdimuhamedow Gruziýanyň Premýer-ministri Irakliý Kobahidze bilen duşuşdy

  • 07.03.2025 23:39
  • 8.2k+

7-nji martda Aşgabatda Prezident Serdar Berdimuhamedow bilen düýn ýurdumyza resmi sapar bilen gelen Gruziýanyň Premýer-ministri Irakliý Kobahidzäniň arasynda gepleşikler geçirildi.

Türkmenistanyň Ministrler Kabinetiniň binasynda geçirilen gepleşikleriň barşynda Prezident Serdar Berdimuhamedow Premýer-ministr Irakliý Kobahidzäniň ýurdumyza şu gezekki saparynyň döwletara hyzmatdaşlygyny ösdürmäge hem-de täze many-mazmun bilen baýlaşdyrmaga ýardam berjekdigine ynam bildirdi.
Bellenilişi ýaly, Türkmenistan  bilen Gruziýanyň arasyndaky däp bolan dostlukly we netijeli gatnaşyklar deňhukuklylyk, özara hormat goýmak we ynanyşmak ýörelgelerine esaslanýar. Söwda-ykdysady hyzmatdaşlyk döwletara dialogynyň möhüm ugry bolup durýar. Energetika, senagat, ulag-logistika we saglygy goraýyş ulgamlarynda özara hyzmatdaşlygyň oňyn netijeleri gazanyldy.
Prezident Serdar Berdimuhamedow häzirki günde ýurtlarymyzyň türkmen-gruzin hyzmatdaşlygyny özara talaplara we mümkinçiliklere laýyk gelýän hil taýdan täze derejä çykarmak üçin ýeterlik kuwwata eýediklerini belledi.
Serdar Berdimuhamedow Premýer-ministr Irakliý Kobahidzäni şu ýylyň 12-nji dekabrynda Aşgabatda geçiriljek Halkara parahatçylyk we ynanyşmak ýylynyň ýokary wekilçilikli forumyna çagyrdy.
Premýer-ministr Irakliý Kobahidze döwletara syýasy we ykdysady gatnaşyklaryň netijeli häsiýetini belläp, ulag-logistika we energetika ulgamlarynda taslamalary durmuşa geçirmek boýunça hyzmatdaşlygy mundan beýläk-de ösdürmegiň möhümdigini nygtady.
Türkmen-gruzin hyzmatdaşlygynyň meseleleriniň giň toplumy boýunça pikir alyşmagyň dowamynda özara gatnaşyklarynyň ileri tutulýan ugurlary kesgitlenildi.
Türkmenistan bilen Gruziýanyň arasynda diplomatik gatnaşyklar 1992-nji ýylda ýola goýuldy.


şu gün 00:36
578

Balkan welaýaty Gazagystanyň Mangistau welaýaty bilen strategik hyzmatdaşlygyň maksatnamasy ylalaşyldy

28-nji awgustda Türkmenistanyň Balkan welaýatynyň häkimi Hojamyrat Aşyrmyradowyň ýolbaşçylygyndaky wekiliýet iş sapary bilen Gazagystanyň Mangistau welaýatyna bardy diýip, Türkmenistanyň DIM-nde habar berdiler...

düýn 19:50
4.2k+

Serdar Berdimuhamedow dört günlük iş sapary bilen Hytaýa bardy

Şu gün, 31-nji awgustda Prezident Serdar Berdimuhamedow Şanhaý Hyzmatdaşlyk Guramasynyň sammitine we Ýeňşiň 80 ýyllygyna bagyşlanan dabaralara gatnaşmak üçin dört günlük iş sapary bilen Hytaý Halk Respublikasynyň Týanszin şäherine geldi...

30.08.2025 18:33
11k+

Uly we Kiçi Balkan daglary gorag astyna alnyp, goraghanalar dörediler

Türkmenistanda özeni Uly Balkan dagynda ýerleşdirilen täze goraghananyň, Kiçi Balkan dagynda we Günorta Ustýurtda bolsa ýörite goraghanalaryň döredilmegi meýilleşdirilýär. Şol bir wagtyň özünde, ýerli maldarlaryň işlerini dowam etdirmekleri üçin Balkan gerşiniň etekleri we töweregindäki öri meýdanlar olaryň ygtyýarynda galar...

30.08.2025 18:18
5.6k+

"Türkmenhimiýa" DK ýod we brom öndürýän zawody gurmak boýunça bäsleşik yglan etdi

Türkmenistanda “Balkanabat” ýod zawodynyň Nebitdag-Monjukly känindäki çig mal bazasynyň durkuny täzelemek bilen, ýod, brom, we brom önümlerini öndürýän zawodynyň gurulmagy meýilleşdirilýär. "Türkmenhimiýa” döwlet konserni kärhananyň taslamasyny düzmek we ony doly gurmak boýunça halkara bäsleşik yglan etdi...