Hytaýly alymlar Marsyň ýüzünde ýöräp hem, zerur bolanda uçup hem bilýän drony işläp taýýarlaýarlar. Işläp taýýarlaýyş işleri Harbin Tehnologiýa uniwersitetiniň Astronawtika institutynda amala aşyrylýar diýip, Space.com habar berýär.
Apparat agyrlyk merkezini üýtgetmek bilen energiýa sarp edilişini azaltmak arkaly ýöreýär. Uçanda koaksial wintleriň kömegi bilen uçýar.
Işläp taýýarlaýjylaryň sözlerine görä, apparatyň uçuş wagty beýleki dronlaryňkydan alty esse uzak. Dron gözleg işlerinde, päsgelçiliklerden geçilende we barlaglarda ulanylyp bilner.
Professor Çžan Lisýan tehnologiýanyň diňe bir Mars üçin däl, eýsem Ýerdäki we beýleki planetalardaky ýerasty giňişlikleri öwrenmek üçin hem oňaýlydygyny belleýär. Enjam eýýam laboratoriýa synaglaryndan geçdi.
Eger synaglaryň hemmesi onuň netijeliligini tassyklasa, Hytaý Marsy özleşdirmekde uly artykmaçlyga eýe bolar. Dron enjamlaryň birnäçe görnüşiniň ornuny tutup biler we geljekki missiýalar üçin tüýs laýyk gural bolar.
