13-15-nji maý aralygynda Aşgabatda Howanyň üýtgemegi meseleleri boýunça Merkezi Aziýa konferensiýasy (CACCC-2025) geçiriler. Maslahatda halkara guramalarynyň wekilleri we bilermenler klimat başlangyçlaryny maliýeleşdirmek, sebit hyzmatdaşlygyny pugtalandyrmak hem-de klimat kynçylyklaryna garşy durnuklylygy ýokarlandyrmak meselelerini ara alyp maslahatlaşarlar.
Foruma Merkezi Aziýa ýurtlarynyň döwlet edaralarynyň wekilleri, halkara guramalar hem-de bilermenler gatnaşarlar.
Sebitiň ýurtlarynyň howanyň üýtgemegine garşy göreşde gazanan üstünlikleri beýan ediler, maliýe serişdelerini çekmek gurallary we Milli derejede kesgitlenýän goşantlaryň (MDKG 3.0) üçünji wersiýasy boýunça alnyp barylýan işler maslahatlaşylar. Şeýle hem "ýaşyl" ykdysadyýet, suw we energiýa howpsuzlygy meseleleri gozgalar.
Maslahata gatnaşmak üçin ýüz tutmalar 2025-nji ýylyň 28-nji fewralyna çenli kabul edilýär. Wekiller onlaýn görnüşde hem gatnaşyp bilerler. Hasaba alyş sowalnamalary şu salgydan elýeterlidir.
Çäräniň guramaçylary hökmünde Merkezi Aziýanyň sebitleýin ekologiýa merkezi (CAREC), Bütindünýä Banky, Merkezi Aziýa üçin Suw we energiýa maksatnamasy (CAWEP), RESILAND CA+ maksatnamasy we Germaniýanyň Halkara Hyzmatdaşlyk Jemgyýeti (GIZ) çykyş edýärler.
