Prezidenti Serdar Berdimuhamedow ýurdumyzyň diplomatik gullugynyň işgärlerini «Türkmenistanyň ussat diplomaty» diýen tapawutlandyryş nyşany bilen sylaglamak hakynda Karara gol çekdi.
Bellenilişi ýaly, bu resminama Türkmenistanyň döwlet Garaşsyzlygyny, Bitaraplygyny berkitmekde, daşary syýasat ugruny durmuşa geçirmekde, syýasy, ykdysady, medeni-ynsanperwer we beýleki gatnaşyklaryny ösdürmekde, döwlet bähbitlerini goramakda gazanan uly üstünliklerini, diplomatik gullugy ulgamynda köp ýyllaryň dowamynda çeken halal we göreldeli zähmetini nazara alyp, şeýle hem Türkmenistanyň diplomatik işgärleriniň güni mynasybetli gowşuryldy.
Resminama laýyklykda, şu diplomatlar «Türkmenistanyň ussat diplomaty» diýen tapawutlandyryş nyşany bilen sylaglanyldy:
- Türkmenistanyň Belarus Respublikasyndaky (Minsk şäheri) Adatdan daşary we Doly ygtyýarly ilçisi Nazarguly Şagulyýew,
- Türkmenistanyň Pakistan Yslam Respublikasyndaky (Yslamabat şäheri) Adatdan daşary we Doly ygtyýarly ilçisi Atajan Nurlyýewiç Möwlamow,
- Türkmenistanyň Owganystandaky (Mazari-Şarif şäheri) baş konsuly Bazarbaý Arazmetowiç Kabaýew.
