Xiaomi Motors 1548 at güýjüni berýän Xiaomi SU7 Ultra elektrik giperkarynyň Şanhaý halkara awtodromynda täze rekord goýandygyny habar berdi. Ol bu aýlawy 2 minut 9,944 sekuntda geçdi.
Bu görkeziji Porsche Taycan Turbo GT-niň netijesinden has gowy bolup, SU7 Ultra-ny bu ýolda iň tiz tapgyrlaýyn awtomobile öwürýär diýip, ITHome ýazýar.
Porsche-niň Hytaýdaky ofisi bu mynasybetli Xiaomi-ni gutlap, Weibo sosial ulgamynda “Indiki ýolda görüşeris” diýip ýazdy.
“Bu haýran galdyryjy täzelik. Ýöne bu biziň Porsche-den öňe geçendigimizi aňlatmaýar. Meniň ýüregimde Porsche henizem dünýäde iň gowy awtoulag bolmagynda galýar, Porsche henizem biz üçin nusga!” – diýip, Xiaomi-niň ýolbaşçysy Leý Szýun jogap hökmünde ýazdy.
Xiaomi SU7 Ultra-nyň güýç enjamynyň kuwwaty 1548 at güýjüne barabar bolup, 1,98 sekuntda tizligini 100 km/sag çenli artdyrýar. Onuň iň ýokary tizligi 350 km/sag ýetýär.
Hytaýda eýýäm Xiaomi SU7 Ultra üçin deslapky sargytlar kabul edilýär. Başlangyç baha – 814 900 ýuan ($112 000).
