Xiaomi YU7 GT elektrokrossoweri «Nýurburing-Nordşlaýfe» ýoluny awtonom ýagdaýda (sürüjisiz) geçen ilkinji ulag boldy. Kompaniýanyň habar bermegine görä, maşyn 20,8 kilometrlik aýlawy 10 minut 29,483 sekuntda geçdi.
Bu görkeziji şol modeliň synag-sürüjiniň dolandyrmagyndaky netijesinden takmynan üç minut haýal boldy. Ýaryş wagtynda salonda adamyň bolup-bolmandygy anyklaşdyrylmaýar. Şeýle-de, awtoulagyň tapgyrlaýyn görnüşlerinde bolmaýan goşmaça enjamlaryň ulanylandygy barada maglumat ýok.
Ýaryşa ýarym slik şinalary, howpsuzlyk karkasyny we sport öňki oturgyçlaryny öz içine alýan «Track Package» toplumly «Xiaomi YU7 GT» gatnaşdy.
Maý aýynda kompaniýa şol bir modeliň «Nýurburing-Nordşlaýfe» ýolunda iň çalt krossower bolandygyny, aýlawy 7 minut 34,931 sekuntda geçip, 2024-nji ýyldan bäri rekordy saklap gelen «Audi RS Q8 Performance-dan» öňe geçendigini habar beripdi.
Xiaomi YU7 GT-niň iki hereketlendirijili güýç gurluşynyň umumy kuwwaty 1003 at güýjüne barabar, CLTC sikli boýunça maksimal ýöriş ätiýaçlygy bolsa 705 kilometre ýetýär.
