Prezident Serdar Berdimuhamedow Türkmenistanda 2025-nji ýylda saýaly, pürli, miweli baglaryň we üzümi ekmek boýunça Karara gol çekdi.
Resminama laýyklykda, 2025-nji ýylda ministrlikler, pudaklaýyn dolandyryş edaralary, Aşgabat we Arkadag şäherleriniň häkimlikleri hem-de beýleki edaralar saýaly, pürli, miweli baglaryň we üzümiň 1,5 million düýp nahalynyň, welaýatlaryň häkimlikleri hem 1,5 million düýp nahalynyň ekilmegini üpjün etmeli.
Ministrlikler, pudaklaýyn dolandyryş edaralary, welaýatlaryň, Aşgabat we Arkadag şäherleriniň häkimlikleri miweli bag we üzüm nahallarynyň aýratyn kesgitlenen ýer böleklerinde görnüşleri boýunça ekilmegini hem-de ekilen saýaly, pürli, miweli bag we üzüm nahallarynyň damjalaýyn usulda suwarylmagyny üpjün etmäge borçly edildi.
Şeýle hem resminama bilen, Daşky gurşawy goramak ministrligine, beýleki ministrliklere, pudaklaýyn dolandyryş edaralaryna, welaýatlaryň, Aşgabat we Arkadag şäherleriniň häkimliklerine ýeterlik mukdarda üzüm we 3 ýyllyk bag nahallary bilen üpjün etmek hem-de olaryň ekilişine we ideg edilişine gözegçilik etmek tabşyryldy.
