Türkmenistanyň we Gazagystanyň daşary işler ministrleri Astanada syýasy geňeşmeleri geçirdiler

  • 04.02.2025 13:02
  • 4.1k+

Astanada Türkmenistanyň we Gazagystanyň daşary syýasat edaralarynyň arasynda syýasy geňeşmeler geçirildi. Türkmenistanyň daşary işler ministri Raşid Meredow kärdeşi Murat Nurtleu bilen ikitaraplaýyn hyzmatdaşlygyň esasy meselelerini ara alyp maslahatlaşdylar. Bu barada Türkmenistanyň DIM-niň metbugat gullugy habar berýär.

Taraplar hyzmatdaşlygyň häzirki ýagdaýyna oňyn baha berdiler we onuň mundan beýläk hem ösdürilmegini maslahatlaşdylar. Hususan-da, Halkara parahatçylyk we ynanyşmak ýylynyň çäklerinde bilelikdäki hereketler ylalaşyldy.
Diplomatlar syýasy-diplomatik, söwda-ykdysady we medeni-ynsanperwer hyzmatdaşlyk meselelerine hem-de ozal gazanylan ylalaşyklaryň ýerine ýetirilişine garadylar.
Ministrler ýokary derejeli gatnaşyklaryň ähmiýetini belläp, parlamentara gatnaşyklaryň işjeňleşdirilmegi barada ylalaşdylar. Şeýle-de, iki ýurduň daşary syýasat edaralarynyň arasyndaky hyzmatdaşlygyň depginini we dinamikasyny güýçlendirmek barada ylalaşyk gazanyldy.
Hususan-da, energetika, ulag we senagat ugurlaryny öz içine alýan ykdysady hyzmatdaşlyga aýratyn üns berildi. Ykdysady, ylmy-tehniki we medeni hyzmatdaşlyk boýunça Hökümetara türkmen-gazak toparynyň ähmiýeti nygtaldy.
Taraplar medeni we ylmy-bilim hyzmatdaşlygyny giňeltmegiň, saglygy goraýyş, sport we beýleki ugurlar boýunça gatnaşyklaryň ösdürilmeginiň zerurdygyny beýan etdiler.
Diplomatlar halkara guramalaryň çäklerinde hyzmatdaşlygy pugtalandyrmaga taýýardyklaryny tassyklap, köpasyrlyk dostluk we goňşuçylyk gatnaşyklarynyň mundan beýläk hem iki doganlyk halkyň bähbidine üstünlikli ösdüriljekdigine berk ynam bildirdiler.


düýn 22:01
873

Türkmenistanyň ylmy wekiliýeti Rimde möhüm senelere bagyşlanan çärelere gatnaşdy

25-nji noýabrda Türkmenistanyň Ylymlar akademiýasynyň Prezidenti A.Aşirowyň ýolbaşçylygyndaky türkmen wekiliýeti Italiýada ýerleşýän Palasso Walentini köşgünde geçirilen halkara maslahata gatnaşdy. Türkmenistanyň...

düýn 09:25
916

Türkmenistan YHG-nyň daşary işler ministrleriniň geňeşiniň 29-njy mejlisinde çykyş etdi

Daşary işler ministriniň orunbasary Ahmet Gurbanowyň ýolbaşçylygyndaky Türkmenistanyň wekiliýeti 28-nji noýabrda wideoaragatnaşyk ulgamy arkaly geçirilen Ykdysady Hyzmatdaşlyk Guramasynyň (YHG) Daşary işler ministrleriniň geňeşiniň 29-njy mejlisine gatnaşdy...

düýn 09:21
2.4k+

Almatyda Merkezi Aziýa ýurtlarynyň daşary işler ministrleriniň orunbasarlarynyň 15-nji duşuşygy geçirildi

28-nji noýabrda Almaty şäherinde Merkezi Aziýa ýurtlarynyň Daşary işler ministrleriniň orunbasarlarynyň 15-nji duşuşygy geçirildi. Duşuşyk Gazagystanyň Daşary işler ministrligi tarapyndan BMG-niň Merkezi Aziýa üçin öňüni alyş diplomatiýasy boýunça Sebit merkeziniň (UNRCCA) ýardam bermeginde guraldy diýip, Türkmenistanyň DIM-nde habar berdiler...

düýn 09:16
6.4k+

Türkmenistanda maýningi we kriptobiržalaryň işini düzgünleşdirýän kanun kabul edildi

Türkmenistanyň Prezidenti Serdar Berdimuhamedow ýurtda kriptowalýutalaryň maýningini we kriptobiržalaryň işini düzgünleşdirýän "Wirtual aktiwler hakynda" Türkmenistanyň Kanunyna gol çekdi. Resminama 2026-njy ýylyň 1-nji ýanwaryndan güýje girer diýip, «Türkmenistan» gazeti habar berýär...