"Türkmenawtoulaglary" agentliginiň Lebap awtoulag önümçilik birleşigi 2024-nji ýylda ýolagçylary gatnatmak boýunça borçnamalaryny artygy bilen ýerine ýetirdi. Bir ýylyň dowamynda birleşigiň hyzmatlaryndan 22 million 354 müň ýolagçy peýdalanypdyr diýip, "Türkmenistan: Altyn asyr" elektron neşiri agentlige salgylanyp habar berýär.
Ýerine ýetirilen işleriň jemi bahasy 23 million 244 müň manada deň boldy.
Birleşigiň ygtyýarynda ýolagçy we ýük awtoulaglary bolup, olar Türkmenabat, Kerki, Magdanly we Köýtendag şäherlerinde 13 sany bölüme paýlanyp berlen.
2024-nji ýylda täze awtobus ugurlary, şol sanda Türkmenabadyň şäher eteklerine gatnawlar işe girizildi. Bu ugurlarda «PAZ-32054» awtobuslary gatnap başlady.
Mundan başga-da, Kerki-Başsaka we Kerki - Dostluk ugurlary boýunça yzygiderli gatnawlar ýola goýuldy.
