Türkiýäniň Ordu şäherinde doňdurmaçy Jelal Karaarslan 11 adamdan ybarat topary bilen bilelikde buzgaýmagyň 1301 görnüşini taýýarlap, dünýä rekordyny täzeledi. Bu barada Haber 7 habar berýär.
18 günüň dowamynda gatnaşyjylar dürli tagamly, şol sanda ançous we balygyň beýleki görnüşlerini goşup, doňdurma taýýarlady. Olaryň ählisi garda gurnalan 125 metrlik stolda ýerleşdirildi.
Ginnesiň rekordlar kitabynyň Türkiýedäki emini Şeýda Subaşi Jemiçi hödürlenen görnüşleriň ählisini barlap, dadyp görenden soň, täze rekordyň goýlandygyny resmi taýdan hasaba aldy.
Mundan öň rekord buzgaýmagyň 1001 görnüşini taýýarlan Abu-Dabiden bir topara degişlidi.
Karaarslan rekordyň Türkiýede goýlandygyna buýsanýandygyny aýdýar. Topar munuň üçin dükanlary wagtlaýyn ýapyp, gije-gündiz zähmet çekdi. Rekord hasaba alnandan soň doňdurmalar tomaşaçylara paýlandy.
