Hytaýyň Ylmy-tehniki uniwersitetiniň (USTC) alymlary litiý batareýalary gaýtadan işlemek üçin innowasion usul döretdiler. Bu usul şol bir wagtyň özünde üç meseläni çözýär: batareýalary gaýtadan işlemek, senagat zyňyndylaryny arassalamak we elektrik energiýasyny öndürmek. Bu barada Nature Sustainability žurnalynda çap edildi.
Täze usul litiý ionlarynyň azot dioksidi bilen täsirleşmegine esaslanýar. Şeýle-de bu usulda diňe aşgar metal bölejikleri geçirýän ýörite keramiki membranalar ulanylýar. Azot dioksidini tutmak üçin ulanylýan bu membranalar arkaly arassa litiý nitraty alynýar we elektrik energiýasy öndürilýär.
Barlaglaryň netijesinde ulanylan batareýalardan litiýiň 97%-i çykarylyp, her kilogram materialdan 66 watt energiýa öndürildi. Bu prosesiň daşky gurşawa zyýany az, şeýle hem gymmat reagentler gerek däl.
Hytaýly himikleriň bu täze usuly ýylsaýyn ulanyşdan galýan müňlerçe tonna batareýadan energiýa öndürmäge we zyýanly zyňyndylary azaltmaga mümkinçilik berýär.
