Apple dünýäniň iň gymmat brendleriniň sanawynda ýene birinji orny eýeledi

  • 23.01.2025 15:43
  • 5.9k+

Apple ýylyň jemi boýunça ýene-de dünýäniň iň gymmat brendi boldy. Bu barada Brand Finance Global 500 gözleginde habar berilýär.

Apple brendiniň bahasy bir ýylda 11% - 574,5 mlrd dollara çenli ýokarlandy. Reýtingde ikinji orny bir ýylda 35% ($461,1 mlrd çenli) ösüş görkezen Microsoft, üçünji orny 24% ($413 mlrd çenli) ösüş bilen Google eýeledi. Dördünji orunda Amazon (+15%, $356,4 mlrd çenli) ýerleşdi.
Walmart brendi altynjy orundan bäşinji orna çykdy, onuň bahasy 42% ýokarlanyp, 137,2 mlrd dollar boldy.
Şeýle-de, iň gymmat brendleriň ilkinji onlugyna Samsung, TikTok, Facebook, Nvidia we State Grid Corporation of China girýär. Nvidia brendiniň bahasy bir ýylda tas iki esse ýokarlandy.
Ýewropanyň iň gymmat brendi umumy reýtingde 11-nji orny eýelän Deutsche Telekom (+16%, $85,3 mlrd) boldy. Ýapon brendleriniň arasynda öňdebaryjy Toyota (18-nji orun) bolup, onuň bahasy 23%, 64,7 mlrd dollara çenli ýokarlandy.
Soňky ýylda bahanyň rekord ösüş depginini e& (öňki Etisalat, BAE-den internet üpjün edijisi) brendi görkezdi. Onuň bahasy sekiz esse ýokarlanyp, 15,3 mlrd dollara ýetdi.
Top-500-e 193 sany amerikan brendi girdi we umumy bahanyň ýarysyndan gowragy şolaryň paýyna düşýär diýlip, habarda bellenilýär. Sanawda Hytaýyň 69 brendi, Germaniýanyň 27 brendi bar.
Geçen ýyl dünýäniň iň gymmat 500 brendiniň umumy bahasy 10% ýokarlanyp, tas 9,5 trln dollara ýetdi.
Brand Finance-iň dokuzynjy ýyllyk gözlegi 41 ýurtdan we 31 pudakdan 6 müňden gowrak brend barada maglumatlary öz içine alýar. Pikir soraşma 175 müňden gowrak adam gatnaşdy.


25.03.2025 17:51
1.3k+

Nvidia-nyň wideokarta bazaryndaky paýy 90%-e ýetdi

Nvidia kompaniýasy umumy üpjünçiligiň peselendigine garamazdan, wideokarta bazaryndaky paýyny artdyrdy. «Jon Peddie Research» gözleg firmasynyň maglumatlaryna görä, 2024-nji ýylyň üçünji çärýeginde kompaniýa OEM...

24.03.2025 06:30
3.6k+

Perplexity TikTok-y satyn alyp, onuň algoritmini düýpgöter üýtgetmegi meýilleşdirýär

Perplexity kompaniýasy TikTok-y satyn alyp, onuň algoritmini düýpgöter üýtgetmegi meýilleşdirýändigini mälim etdi diýip, «The Verge» neşiri habar berýär. Perplexity-niň meýilnamasyna görä, platforma satyn alnan...

22.03.2025 10:55
1.5k+

Apple TV+ hyzmaty kompaniýa her ýyl $1 mlrd möçberde ýitgi getirýär

Apple kompaniýasy Apple TV+ striminginde ýylda 1 mlrd dollardan gowrak ýitgi çekýär. 2024-nji ýylda korporasiýa ilkinji gezek önümçilik çykdajylaryny 500 mln dollar azaltdy diýip, çeşmelere salgylanyp, The Information...

21.03.2025 06:26
1.8k+

Google taryhyndaky iň uly geleşigi baglaşdy: kompaniýa Wiz-i 32 mlrd dollara satyn alýar

Google kompaniýasy bulut howpsuzlygy boýunça ýöriteleşen Wiz atly startapy satyn alýandygyny resmi taýdan habar berdi. Geleşigiň bahasy 32 milliard dollar bolup, töleg nagt görnüşde amala aşyrylar. Bu satyn alyş...