Internetde iPhone 18 Pro we iPhone 18 Pro Max üçin niýetlenen gorag çehollarynyň suratlary peýda boldy. Bu çehollaryň dizaýnyň iň soňky ylalaşygyndan geçendigi we geljekki smartfonlaryň suduryny gaýtalaýandygy bellenilýär.
Paýlaşylan materiallara görä, smartfonlar esasy kamerasynyň gorizontal bloguny we MagSafe magnitli zarýad beriş goldawyny saklap galarlar. Modelleriň korpusynyň bitewi alýumin garyndysyndan ýasalmagyna, kamera meýdançasynyň bolsa Ceramic Shield gorag örtügi bilen üpjün edilmegine garaşylýar.
Deslapky maglumatlara görä, enjamlar has galyň bolar. iPhone 18 Pro Max-yň kamerasynyň çykyp duran ýeri bilen bilelikdäki galyňlygy öňki nesliň 12,92 mm görkezijisine garanyňda 13,77 mm bolar. Bu bolsa has uly fotomodulyň we täzelenen optikanyň ulanyljakdygyna şaýatlyk edip biler.
Täze seriýanyň dört reňkde elýeterli bolmagyna, şol sanda täze Dark Cherry öwüşgininiň peýda bolmagyna garaşylýar. Şeýle hem TSMC tarapyndan öndürilen ilkinji 2 nanometrlik çip bolan A20 Pro prosessorynyň ilkinji çykyşyna garaşylýar.
Täze smartfonlaryň tanyşdyrylyşy sentýabr aýynda bolar diýlip garaşylýar.
