Hefeý şäherinde ýerleşýän Hytaýyň Ylmy-tehnniki uniwersitetiniň alymlary (USTC) maddanyň täze kwant halyny – ters akymly ýokary akyjylygy açdylar. Bu ylmy açyş atom derejesindäki bölejikleriň örän pes temperaturada, ýagny ultrasowuk şertlerde saklanmagy we şol şertlerde kwant fizikasynda ulanylýan modeller arkaly ýörite barlaglara sezewar edilmegi netijesinde ýüze çykaryldy. Barlagyň netijeleri Nature Physics ylmy žurnalynda çap edildi.
1930-njy ýyllarda fizikler geliýniň ýokary akyjylygyny açdylar we bu kwant fizikasynda esaslaýyn barlaglaryň öňe ilerlemeginde möhüm tapgyrlaryň biri boldy.
Bu açyş pes temperaturaly tehnologiýalaryň, şol sanda lazer sowadyşyň we dargadyşly sowadyşyň ösmegine itergi berdi. Bu tehnologiýalar kwant modelirleme, kwant hasaplama we beýleki ugurlar üçin iň möhüm gurallaryň biri boldy.
Barlaglaryň geçirilýän wagty hünärmenler kwant gaz mikroskoby arkaly, takyk dolandyryş bilen, ters akymly ýokary akyjylygy synlamagy başardylar.
Barlagy geçirenleriň aýtmagyna görä, atom ultrasowuk kwant modelirleme usuly maddalaryň täze hallaryny öwrenmek üçin kwant dolandyryşy we synlamak boýunça dürli usullary hödürleýär.
