Hytaý ilkinji gezek öňdebaryjy alymlaryň sany boýunça ABŞ-ny geçdi. Bu barada Dongbi Data kompaniýasynyň hasabatyna salgylanyp, South China Morning Post gazeti ýazýar.
Bellenilip geçilmegine görä, 2020-2024-nji ýyllar aralygynda Hytaýdaky öňdebaryjy alymlaryň sany 18 805-den 32 511-e çenli ýokarlandy, bu bolsa ýurduň paýyny 17%-den 28%-e çenli artdyrdy. Şol bir wagtda, ABŞ-daky dünýä derejesindäki alymlaryň sany 36 599-dan 31 781-e çenli azaldy we olaryň paýy 33%-den 27%-e çenli peseldi.
Gözleg 129 sany iň iri halkara žurnalda çap edilen, iň köp salgylanma alan 40 müň makalanyň seljermesine esaslandy. Öňdebaryjy ylmy guramalaryň hatarynda Hytaý ylymlar akademiýasy (3615 alym), Garward uniwersiteti (1683 alym) we Stenford uniwersiteti (1208 alym) görkezilýär.
Mysal hökmünde günbataryň iň gadymy we abraýly žurnallarynyň biri bolan Nature žurnalynyň soňky sanyny (8-nji ýanwarda neşir edilen) görkezmek bolar. Žurnaldaky makalalaryň tas ýarysy diýen ýaly hytaýlylara degişli.
