Paleosuratkeş Jon Gurçe, takmynan, 150 000 ýyl ozal aradan çykan gominidiň keşbini dikeltmek üçin Adamlar - Homo longi gadymy adam jynsynyň ("aždarha adam" diýlip hem atlandyrylýar) daşa öwrülen galyndy kelleçanagynyň plastik nusgasyny ulandy.
Häzirki wagtda alymlar “aždarha adamy” Homo sapiens, neandertallar we denisowçylar bilen birlikde bar bolan akylly primatlaryň ösüşiniň bir şahasy hasaplaýarlar.
"Aždarha adamyň" kelleçanagy 1933-nji ýylda Harbinde bir hytaýly işçi tarapyndan tapyldy. Ululygy häzirki zaman adamynyň kelleçanagyna meňzeş bolsa-da, onuň çekgeleri has ýasy we gaşynyň gerişleri öňe çykyp dur. Hytaýly adam galyndylary XXI asyra çenli guýuda gizläpdir, ýöne 2018-nji ýylda kelleçanagyň täzeden üsti açylýar.
Häzirki wagtda bu galyndy “harbin kelleçanagy” diýlip atlandyrylýar.
Jon Gurçe gominidiň ýüz keşbine gözleriň we göz hanasynyň ululygyna, şeýle hem burnuň şekilini we ölçegini kesgitlemek üçin kelle süňküniň gurluşyny ölçemek arkaly baha berdi. Soňra Gurçe kelleçanaga, belliklere eýerip, ýüz myşsalaryny we derini goýdy, şeýdibem "aždarha adamyň" keşbini dikeltdi.
