Ýewropanyň kosmos agentliginiň (ESA) hünärmenleri Solar Orbiter enjamynyň soňky üç ýylda toplan maglumatlaryny sese öwrüp, Gün partlamalarynyň “nähili ses çykarýandygyny” görkezdiler. Gözlegleriň çäklerinde, maglumatlary sese öwürýän sonifikasiýa tehnologiýasy ulanyldy diýip, Space.com habar berýär.
Alnan wideoda her bir gök tegelegiň (partlamalaryň) döremegi, degişli ses bilen sinhronlaşdyrylýar. Sesiň tony partlamalaryň ululygyna we ýüze çykyş ýygylygyna baglylykda üýtgeýär.
Hünärmenleriň aýtmagyna görä, partlamalaryň sanynyň we ululygynyň artmagy, 11 ýyldan bir gezek gaýtalanýan Gün aýlawynyň (ýyldyzyň işjeňliginiň iň ýokary derejesine ýetmeginiň) ýakynlaşýandygyny görkezýär.
Bu taslama bilimi düşündirmegi aňsatlaşdyrmak we köpçüligiň çylşyrymly maglumatlary has gowy kabul etmegine ýardam bermek üçin döredildi.
