Iordaniýanyň AirFarm kompaniýasy CES 2025 sergisinde gurak sebitlerde gök önümleri ösdürip ýetişdirmek üçin niýetlenen çişirilýän fermany tanyşdyrdy. Bu tehnologiýa suwuň sarp edilişini 90% azaltýar diýip, Forbes neşiri habar berýär.
Fermada peýdalanylan aeroponika ulgamy mikroçyglylyk arkaly ösümlikleriň düýplerine iýmit ýetirýär. Gidroponikadan tapawutlylykda, suwy 90%, dökünleri 60% tygşytlaýar we pestisid ulanylyşyny dolulygyna aradan aýyrýar.
Modullaryň agramy adaty konteýnerlerden 75% ýeňil bolup, bary-ýogy ýarym günüň içinde gurnalýar. Ululyklary 3 we 6 metr bolup, daşamaga amatlydyr.
Mobil programma integrasiýasy arkaly akylly dolandyryş ulgamy temperaturany, çyglylygy we pH derejesini gözegçilikde saklamaga mümkinçilik berýär.
“Biz ösümlikler üçin optimal şertleri döretmekde nanoklimat gözegçilik tehnologiýasyny ulanýarys we galyndylary guratmak üçin ýylylygy peýdalanýarys. Biziň maksadymyz – zyňyndysyz fermany döretmek.” diýip, kompaniýanyň dolandyryjysy Jenna Kim aýtdy.
AirFarm şu ýylyň ahyryna çenli taslamalaryny giňeldip, Ýakyn Gündogarda köp gatly fermalary gurmagy meýilleşdirýär.
