2024-nji ýylda 33 müňden gowrak türkmenistanly Azerbaýjana syýahat etdi. Bu maglumatlary report.az Azerbaýjanyň Döwlet syýahatçylyk agentligine salgylanyp habar berýär.
Türkmenistan geçen ýyl Azerbaýjana syýahat eden raýatlarynyň sany boýunça 13-nji ýerde durýar.
Hasabat döwründe Azerbaýjana iň köp Russiýanyň raýatlary syýahat etdi - 731 müňden gowrak syýahatçy. Bu babatda ikinji orny Türkiýe (426,2 müň syýahatçy), üçünji orny bolsa Hindistan (243,5 müň syýahatçy) eýeledi.
Ýeri gelende bellesek, 2024-nji ýylda Azerbaýjana baran daşary ýurtly jahankeşdeleriň umumy sany 2 million 626,8 müňe deň bolupdyr. Bu görkeziji 2023-nji ýyldakydan 26 göterim ýokarydyr.
