NASA-nyň “Parker” zondy Güne iň golaý aralyga barmakda rekord goýdy

  • 27.12.2024 10:31
  • 7.1k+

24-nji dekabrda NASA-nyň Parker Solar Probe zondy Güne azyndan 6,1 million kilometre golaý aralykdan sagatda 692 000 km tizlik bilen uçup geçip, täze rekordlary goýdy. Bu enjamyň Gün aýtymyna 22-nji gezek ýakynlaşmasynyň bir bölegi boldy diýip, The Guardian habar berýär.

Zonduň missiýasy 2018-nji ýylyň awgust aýynda başlandy. Gün ýelini we ýyldyzyň atmosferasyny öwrenmek üçin döredilen enjam uglerod köpüginden ýasalan ýylylykdan goraýjy ekran bilen enjamlaşdyrylandyr. Onuň wezipesi 980° C-a çenli temperatura döz gelmek.

“Entek adam eli bilen ýasalan hiç bir obýekt Günüň şeýle golaýyndan uçup geçen däldir, şonuň üçin Parker heniz baryp görülmedik ýerlerden maglumat iberer. Biz onuň aragatnaşyga çykmagyna sabyrsyzlyk bilen garaşýarys" - diýip, Jon Hopkins uniwersitetiniň amaly fizika barlaghanasynyň missiýa menejeri Nik Pinkin belledi.

Alymlar 27-nji dekabrda enjam signal berende onuň ýagdaýy barada bilerler. Zonduň Gün alawyna düşen bolmagy ähtimal, sebäbi Gün häzir 11 ýyllyk işjeňlik  sikliniň iň ýokary derejesinde.
Eger Parker işlemegini dowam etdirse, 2025-nji ýylda ol ýene iki gezek Güne ýakynlaşar. Missiýanyň ylmy wezipeleri elektromagnit meýdanlaryny öwrenmegi we näme üçin ýyldyzyň aýtymynyň onuň ýüzünden yssydygy baradaky soraga jogap tapmagy öz içine alýar.


düýn 22:24
970

Türkmenistanyň ýaş startapçylarynyň bäsleşiginiň jemleri jemlenildi

Türkmenistanda «Türkmenistan – mümkinçilikleriň ýurdy» atly ýaş innowatorlaryň bäsleşigi tamamlandy. Ol tehnologiýa, ylym we telekeçilik dünýäsinde özlerini görkezmäge taýýar mekdep okuwçylaryny, talyplary we ýaş mugallymlary birleşdirdi...

düýn 20:51
2.7k+

Garynjalarda agalygy eýelemegiň täsin taktikasy ýüze çykaryldy

Ýaponiýaly alymlar garynjanyň käbir görnüşleriniň başga koloniýalary eýelemek üçin ulanýan täsin mehanizmini ýüze çykardylar. Görnüşine görä, käbir korolewa-basyp alyjylar himiki ýaragy ulanyp, işçi garynjlary aldaw bilen öz urugbaşyny ýok etmäge mejbur edýärler we onuň ýerini eýeleýärler...

27.11.2025 13:17
4.1k+

NASA-nyň ESCAPADE Mars zondundan düşürilen ilkinji suratlary çap edildi

NASA Marsa tarap barýan ESCAPADE zondundan alnan ilkinji suratlary hödürledi. Suratlar apparatyň kadaly işleýändigini we öz işlerini ýerine ýetirmäge taýýardygyny tassyklaýar. ESCAPADE missiýasy 14-nji noýabrda Blue Origin kompaniýasynyň New Glenn super agyr raketasynyň kömegi bilen badalga aldy...

26.11.2025 17:50
2k+

Boeing-iň kosmos gämisi ýene HKS-e iberiler, ýöne bu gezek ekipažsyz: uçuş senesi yglan edildi

NASA Boeing kompaniýasynyň Starliner kosmos gämisiniň ýene Halkara kosmos stansiýasyna iberiljekdigini habar berdi. Ýöne bu gezek ol ekipažly däl-de, diňe ýük bilen uçar. Maglumatlara görä, kompaniýa bilen 2024-nji ýylda baglaşylan ekipažly gämi barada şertnama üýtgediler...