Türkmenistanyň Zähmet we ilaty durmuş taýdan goramak ministrligi iş, dynç we baýramçylyk günleri barada maglumatlary öz içine alýan 2026-njy ýyl üçin önümçilik senenamasyny neşir etdi. Bu senenama zähmet haklaryny, zähmet rugsatlaryny hasaplamak we kärhanalaryň işini meýilleşdirmek üçin resmi esas bolup hyzmat edýär.
2026-njy ýylda iş hepdeliginiň dowamlylygy boýunça aşakdaky kadalar ulanylar:
- Bäş günlük: Hepdede 40 sagat.
- Alty günlük (günde 7 sagat): Hepdede 40 sagat.
- Alty günlük (günde 6 sagat): Hepdede 36 sagat.
Aýdaky ortaça iş wagtynyň dowamlylygy:
- 40 sagatlyk hepde üçin 166,9 sagat;
- 36 sagatlyk hepde üçin 150,5 sagat.
Geljek ýylda aşakdaky günler işlemeýän baýramçylyk günleri diýlip yglan edildi:
- 1-nji ýanwar – Täze ýyl
- 8-nji mart – Halkara zenanlar güni
- 20-nji mart – Oraza baýramy
- 21-22-nji mart – Milli bahar baýramy (Nowruz)
- 18-nji maý – Türkmenistanyň Konstitusiýasynyň we Döwlet baýdagynyň güni
- 27-29-njy maý – Gurban baýramy
- 27-nji sentýabr – Garaşsyzlyk güni
- 6-njy oktýabr – Hatyra güni
- 12-nji dekabr – Halkara Bitaraplyk güni
Bu günlerde kärhanalarda, guramalarda we edaralarda resmi taýdan iş güni däldir. Türkmenistanyň Zähmet kodeksiniň 61-nji maddasyna laýyklykda, bu günleriň öň ýanyndaky iş wagty 1 sagat gysgaldylýar.
Türkmenistanyň Zähmet kodeksine laýyklykda, iş wagtlarynyň kadalary bilen şu salgydan doly tanşyp bilersiňiz.
