Prezident Serdar Berdimuhamedow Hytaý Halk Respublikasynyň Başlygy Si Szinpine Gonkong ýörite dolandyryş sebitindäki ýaşaýyş toplumynda bolup geçen ýangynyň köp sanly adam pidalaryna we şikes ýetmelere getirendigi zerarly gynanç hatyny iberdi.
Döwlet Baştutany şu kynçylykly pursatda gurban bolanlaryň dogan-garyndaşlaryna hem-de ýakynlaryna Türkmenistanyň halkynyň we Hökümetiniň adyndan, şeýle-de hut öz adyndan ýürekden gynanjyny, medet beriji sözlerini, ejir çekenlere bolsa tiz wagtda sagalmaklary baradaky dileglerini beýan etdi.
Ýangyn zerarly adam pidalarynyň sany 94-e ýetdi diýip, Sinhua agentligi ýangyn söndüriş gullugyna salgylanyp habar berýär.
Wang Fuk Court ýaşaýyş toplumynda bolup geçen ýangyn çarşenbe güni ýerli wagt bilen gündiz başlandy. Ol ýerde ýaşaýyş jaýlarynyň töwereklerinde ekilen bambuk tokaýlyklarynda ýangyn döredi. Alaw tiz wagtda ýaýrap, ýaşaýyş toplumyndaky sekiz jaýy hem ot aldy. Bu Gonkongyň taryhynda soňky 17 ýylda iň güýçli ýangyn boldy.
