Portugaliýanyň milli ýygyndysynyň we “Al-Nasr” saud klubunyň futbolçysy Kriştianu Ronaldu Ispaniýanyň garyşyk başa-baş söweş (MMA) promouşeni WOW FC-niň paýdary boldy. Bu barada ol X sosial ulgamynda habar berdi.
Bu promouşende ýeňil agramda UFC-niň çempiony Iliýa Topuriýanyň hem paýy bar.
Ronaldu MMA-nyň özüniň, hakykatdan-da, ynanýan “tertip-düzgün, hormat, çydamlylyk we hemişe kämillige ymtylmak” ýaly gymmatlyklary özünde jemleýändigini aýtdy.
40 ýaşly portugaliýaly oýunçy bäş gezek “Altyn topuň” eýesi we bäş gezek Çempionlar ligasynyň ýeňijisi boldy. 2024-nji ýylda ol taryhda ilkinji bolup sosial ulgamlarda 1 mlrd agza görkezijisinden geçdi.
