UFC-niň ýarym orta agram derejesindäki häzirki çempiony Islam Mahaçew indiki söweşini diwizionyň reýtingindäki birinji belgili Ien Maçado Gerri bilen geçirer. Ýakynlaşýan söweş barada UFC-niň metbugat gullugy habar berdi.
Söweş 16-njy awgustda Filadelfiýada geçiriljek UFC 330 ýaryşynyň esasy wakasy bolar.
Mahaçew üçin bu, ýarym orta agram derejesinde çempionlyk guşagyny gazanandan soňky nobatdaky çykyşy bolar. Häzirki wagtda russiýaly türgen UFC-de 16 ýeňişden ybarat seriýa bilen barýar. Onuň hasabynda jemi 28 ýeňiş we bir ýeňliş bar.
Mahaçew soňky söweşini Nýu-Ýorkda geçirilen UFC 322 ýaryşynda awstraliýaly Jek Della Maddalena garşy geçiripdi.
Çempionlyk guşagy ugrundaky bu söweş russiýaly türgeniň eminleriň biragyzdan çykaran çözgüdi bilen ýeňiş gazanmagy netijesinde tamamlandy.
Ien Gerri bolsa soňky söweşini 22-nji noýabrda Katarda geçirilen UFC ýaryşynda geçirip, eminleriň biragyzdan çykaran çözgüdi bilen Belal Muhammady ýeňdi. Irlandiýaly türgeniň professional karýerasynda 17 ýeňiş (onuň sekizisi möhletinden öň gazanyldy) we bir ýeňliş bar.
