ÝUNESKO Awstriýadaky demirýol menzilini dünýäniň iň owadan wokzaly diýip ykrar etdi

  • 16.12.2024 22:41
  • 7.9k+

Awstriýanyň Zalskammergut sebitinde ýerleşýän Sankt-Wolfgang şäherçesiniň demirýol stansiýasy dünýäniň iň owadan wokzaly hökmünde ÝUNESKO-nyň Wersal baýragyny aldy. Bu barada Awstriýanyň Der Standard gazeti habar berýär.

Stansiýa şäheriň merkezini (deňiz derejesinden 542 m) Şafberg dagynyň depesi (1782 m) bilen birleşdirýän insiz dişli demir ýolunyň ýolagçylaryny kabul edýär. 1893-nji ýylda işe girizilen bu ugur Ýokarky Awstriýa federal ýerinden başlap, Zalsburgda tamamlanýar.
Wokzalyň 2023-nji ýylda gurlan täze binasy döwrebap dizaýn bilen tapawutlanýar. Binagärler agaç, aýna we polat ulandylar, panorama penjireleri bolsa Wolfgangze kölüne tarap ajaýyp görnüşi açýar. Binanyň aýratynlygy gurşap alýan tebigat bilen sazlaşýan tolkun görnüşli üçekdir.
ÝUNESKO-nyň Wersal baýragy 2015-nji ýylda döredildi we binagärlikde hem dizaýnda gazanylan üstünlikler üçin berilýär. Ol binagärlik desgalarynyň dürli kategoriýalaryny: wokzallary, howa menzillerini, muzeýleri, sport desgalaryny, söwda merkezlerini, myhmanhanalary we restoranlary gurşap alýar.


şu gün 08:51
3.3k+

«Türkmenistan» awiakompaniýasy Aşgabat-Türkmenbaşy gatnawlaryň sanyny artdyrdy

«Türkmenistan» awiakompaniýasy içerki gatnawlaryň tertibini täzeledi. Aşgabat — Türkmenbaşy ugry boýunça goşmaça gatnaw girizdi we Daşoguz şäherine uçuşlaryň sany täzelendi. Aşgabat — Türkmenbaşy ugry boýunça T5-245 belgili gatnaw 12-nji dekabra çenli her gün amala aşyrylar...

düýn 21:19
1.5k+

Angliýanyň hökümeti syýahatçylyk salgydyny girizmegi meýilleşdirýär

Angliýanyň hökümeti otellerde, myhman öýlerinde we beýleki ýerleşilýän jaýlarda galýan myhmanlar üçin syýahatçylyk salgydyny girizmäge taýýarlanýar. Ýolbaşçylar häkimlere şeýle tölegi kesgitlemäge hukuk bermegi meýilleşdirýär...

düýn 09:28
3.5k+

La Liste ýylyň iň gowy 1000 restoranyny saýlady

Parižde restoranlaryň iň belli halkara reýtingleriniň biri bolan La Liste ýyllyk baýragynyň netijesi yglan edildi. Şu ýyl birinji orunda birbada on restoran ýerleşdi – olaryň ählisi 100-den 99,5 bal gazandy. Öňdebaryjylaryň biri Pariždäki Guy Savoy boldy...

26.11.2025 13:14
8.1k+

Hytaýyň Şençžen şäherinde dünýäde iň uly üsti ýapyk dag lyža kurorty açyldy

Hytaýda dünýäde iň uly üsti ýapyk dag lyža kurorty bolan Huafa Snow World işläp başlady. Ol Şençžende ýerleşýär we 100 müň inedördül metr meýdany tutýan emeli garly toplumdyr (bu takmynan 11 futbol meýdançasyna barabardyr)...