Prezident Serdar Berdimuhamedow Finlýandiýanyň Prezidenti Aleksandr Stubba ýurduň Garaşsyzlyk güni mynasybetli tüýs ýürekden gutlaglaryny we iň gowy arzuwlaryny iberdi.
Döwlet Baştutany mümkinçilikden peýdalanyp, Prezident Aleksandr Stubba tüýs ýürekden berk jan saglyk, bagtyýarlyk, abadançylyk, Finlýandiýanyň halkyna bolsa parahatçylyk, mundan beýläk-de ösüş, rowaçlyk arzuw etdi.
Finlýandiýa her ýylyň 6-njy dekabrynda Garaşsyzlyk gününi belleýär. Bu sene ýurduň milli güni hem-de baýdagyň güni hökmünde bellenilýär. Ilkinji gezek bu baýramçylyk 1917-nji ýylyň 6-njy dekabrynda bellenildi. Şol gün ýurduň Parlamenti Finlýandiýanyň garaşsyzlygy hakynda jarnamany kabul etdi.
