Türkmenistanyň Halk Maslahatynyň Başlygy Gurbanguly Berdimuhamedow 29-njy noýabrda Türki Döwletleriň Guramasynyň Aksakgallar geňeşiniň Budapeştde geçirilen 16-njy mejlisinde birnäçe teklipler bilen çykyş etdi.
Hususan-da,
- Ýylda iki gezek geçirilýän Türki Döwletleriň Guramasynyň Aksakgallar geňeşiniň 2025-nji ýyldaky soňky mejlisini Türkmenistanyň Bitaraplygynyň 30 ýyllyk ýubileýine gabatlap, Aşgabatda geçirmegi;
- Geljekde geňeşi “Ýaşulular geňeşi” diýip atlandyrmagy;
- Bu düzümiň “Hormatly il ýaşulusy” diýen sylagyny we onuň nyşanyny döretmegi;
- Geňeşi halkara derejedäki gurama diýip ykrar etmegi;
- Geňeşiň gazetini ýa-da žurnalyny, internet saýtyny döretmegi teklip etdi.
Türkmen halkynyň Milli Lideri sözüniň dowamynda “Zaman” gazeti barada nygtap geçdi.
“Biz bu gazeti Türkmenistanda Garaşsyzlygymyzyň ilkinji ýyllaryndan türk doganlarymyz bilen bilelikde çap edip başladyk. Gazet ýurdumyzda häzirki güne çenli çap edilip gelinýär” diýip, Türkmenistanyň Halk Maslahatynyň Başlygy belledi.
