Prezident Serdar Berdimuhamedow Türkmenistanyň Halk Maslahatynyň Başlygy Gurbanguly Berdimuhamedowy «Hakyda göwheri» atly täze kitabynyň çapdan çykmagy gutlady.
"Baý many-mazmunly bu kitabyň dürli ýaşdaky watandaşlarymyzda uly gyzyklanma döretjekdigine ynanýaryn. Mundan beýläk-de Siziň galamyňyz ýiti, döredijilik äleminde gadamyňyz dowamat-dowam bolsun! Täze kitabyňyzyň höwri köp bolsun! Size berk jan saglyk, uzak ömür, türkmen halkynyň bähbidine alyp barýan beýik işleriňizde uly üstünlikleri arzuw edýärin" diýlip, metbugatda çap edilen gutlagda aýdylýar.
Türkmenistanyň Prezidentiniň bellemegine görä, bu kitapda merdana halkymyzyň asyrlaryň jümmüşine uzap gidýän şöhratly ýoly, dünýä ösüşine goşan ägirt uly goşandy, görnükli şahsyýetlerimiziň amala aşyran beýik işleri taryhy maglumatlar arkaly täsirli beýan edilipdir.
"Ol bagtyýar halkymyzyň ýankitabyna öwrüljek gymmatly eserdir" diýip, döwlet Baştutany nygtaýar.
