Ilçi, Türkmenistanyň Halkara sergiler býurosynyň ýanyndaky hemişelik wekili M.Çaryýewden, Türkmenistanyň Söwda-senagat edarasynyň başlygy M.Gurdowdan, şeýle hem Türkmenistanyň Söwda we daşary aragatnaşyklar ministrliginiň wekilinden ybarat türkmen wekiliýeti Parižde Halkara sergiler býurosynyň (BIE) Baş Assambleýasynyň 175-nji mejlisine gatnaşdy.
Türkmenistanyň DIM-niň habar bermegine görä, çäräniň gün tertibine laýyklykda ýetip gelýän halkara sergilerine taýýarlyk işleriniň gidişi barada wekiliýetleriň hasabatlary diňlenildi.
Mejlisiň dowamynda Türkmenistanyň wekiliýetiniň BIE-niň Baş sekretary D.Kerkentzes bilen gysga wagtlaýyn duşuşygy geçirildi. Söhbetdeşligiň çäginde Türkmenistanyň guramanyň Dolandyryş we býujet komitetine agzalygy bilen baglanyşykly ikitaraplaýyn gatnaşyklar ara alnyp maslahatlaşyldy. Türkmenistanyň wekilleri biziň ýurdumyzyň BIE bilen gatnaşyklary mundan beýläk-de ösdürmäge we netijeli hyzmatdaşlyga ygrarlydygyny tassykladylar.
D.Kerkentzes hyzmatdaşlygy güýçlendirmek isleýändigi üçin türkmen tarapyna minnetdarlyk bildirdi we BIE sekretariatynyň netijeli bilelikdäki işini dowam etdirmäge taýýardygyny belledi.
