27-nji noýabrda daşary işler ministri Raşid Meredow BMG-niň Baş sekretarynyň ýol hereketiniň howpsuzlygy boýunça Ýörite wekili Žan Todt bilen duşuşdy diýip, daşary syýasat edarasynyň metbugat gullugy habar berdi.
Duşuşykda taraplar Türkmenistanyň başlangyjy bilen döredilen Durnukly ulagyň dostlary toparynyň ulag pudagynda köptaraplaýyn çemeleşmeleri öz wagtynda işläp taýýarlamakdaky orny aýratyn bellenildi.
Taraplar ýol-ulag hadysalaryny azaltmagyň oňyn depginine we Türkmenistan tarapyndan bu ugurda durmuşa geçirilýän çäreleriň netijeliligine, şol sanda häzirki zaman ýollaryň gurulmagyna, awtomatlaşdyrylan gözegçilik ulgamlarynyň ornaşdyrylmagyna, raýatlaryň ýol düzgünlerini berjaý edişine gözegçiligiň güýçlendirilmegine we beýlekilere aýratyn ünsi çekdiler.
Söhbetdeşler durnukly ösüş üçin esas hökmünde ýol hereketiniň howpsuzlygyny üpjün etmäge gönükdirilen howpsuz we inklýuziw ulag infrastrukturasyny döretmek ugrunda hyzmatdaşlygy ösdürmäge taýýardyklaryny mälim etdiler.
