Hytaýyň milli kosmos dolandyryş gullugy (CNSA) ýurduň kosmos giňişliginde bolup geçen soňky wakalaryny görkezýän wideorolik paýlaşdy diýip, "Sinhua" habar berýär.
Animasiýa wideosy 21-22-nji noýabrda Şençžen şäherinde (Hytaýyň Guandun welaýaty) bolup geçen dolandyrylýan kosmonawtika akademiki simpoziumda görkezildi.
Wideoda adamyň Aýa gonmagy we kosmonawtlaryň Ýeriň tebigy hemrasynyň üstünde “lunomobile” sürýändigi görkezilýär. Şeýle hem Aýda adamlaryň gonýan ýerinden başlajak üç günlük Aý üsti ekspedisiýasynyň ugry hem görkezilýär.
Hytaýda işlenilýän Aý missiýasy adamyň uçuşlaryny Ýer-Aý-Ýer görnüşinde meýilleşdirip, Aýyň üstünde gysga möhletli bolmak we adamyň robot bilen bilelikdäki gözlegleri ýaly esasy tehnologiýalary özleşdirmäge gönükdiriler. Bu wezipe toprak nusgalaryny ýygnamagy hem öz içine alýar.
Ol 2030-njy ýylda işe girizilmegi meýilleşdirilýär diýip, naked-science.ru ýazýar.
