Türkmenistanyň Prezidenti Serdar Berdimuhamedow 2025-2026-njy okuw ýylynda Hytaý Halk Respublikasynyň we Wengriýanyň abraýly bilim edaralaryna ýaşlary okuwa ibermek barada teklibi goldady.
Anna güni geçirilen Hökümet mejlisiniň barşynda wise-premýer B.Orazdurdyýewa ýaşlary bu ýurtlaryň ýokary okuw mekdeplerine okuwa ibermek meselesi barada hasabat berdi.
Bellenilişi ýaly, türkmen ýaşlarynyň bu dostlukly ýurtlaryň ýokary okuw mekdeplerine maglumat tehnologiýalary, saglygy goraýyş we lukmançylyk ylymlary, bilim we pedagogika ylymlary, oba hojalyk ylymlary, inženerçilik işi, tehnologiýalar, tehniki ylymlar, matematika we tebigy ylymlar ugurlary boýunça iberilmegi maksadalaýyk hasaplanýar.
Döwlet Baştutany wise-premýere bu ugurda degişli işleri geçirmegi tabşyrdy.
