Nauşnikleriň günde dört sagatdan köp ulanylmagy beýnide düzedip bolmajak üýtgeşmelere getirip biler. Muny Melburn newrologiýa institutynyň we Stenford uniwersitetiniň alymlary kesgitledi. Ylmy gözlegiň netijeleri The Lancet žurnalynda neşir edildi diýip, Report.az habar berýär.
Ylmy barlaga 18-den 35 ýaş aralygyndaky 1800 meýletinçi gatnaşdy. Olar nauşnikleri nähili ýygylykda ulanýandyklaryny aýdyp, öz saglyk ýagdaýlary barada anketany doldurdylar.
Netijede, nauşnikleriň uzak wagtlap ulanylmagynyň (günde dört sagatdan köp) ünsi jemlemekde kynçylyklaryň ýüze çykmagy, howsalalygyň güýçlenmegi we ukynyň hiliniň peselmegi bilen baglanyşyklydygy kesgitlendi. Alymlar sesleriň yzygiderli täsir etmeginiň beýnide maglumaty işlemek prosesine täsirini ýetirýändigini we munuň akyl ýetiriş funksiýalarynda üýtgeşmelere getirýändigini düşündirdiler.
Ylmy gözlegçiler käbir ýagdaýlarda netijeleri yzyna gaýtaryp bolmajakdygyny duýdurýarlar.
