Windows üçin emeli aňa esaslanýan ChatGPT programmasy ähli ulanyjylar üçin elýeterli boldy. Öň bu programmany diňe hyzmata tölegli ýazylanlar ulanyp bilýärdi. ChatGPT programmasyny Microsoft Store dükanyndan ýükläp almak bolýar.
Görnüşi ýaly, Windows üçin ChatGPT programmasy köp ýagdaýda Android wersiýasyna meňzeýär, ýöne desktop programmada köp mukdarda tekst girizmek we surat goşmak has amatlydyr. Programma faýllary ýüklemek we internete girmek ýaly birnäçe esasy funksiýany öz içine alýar. Ony çalt işe girizmek üçin bolsa Alt + Space klawişasy göz öňünde tutuldy.
Programmanyň esasy aýratynlyklarynyň biri beýleki programmalardaky işden ünsüňi sowmazdan, ses arkaly programma bilen gatnaşmaga mümkinçilik berýän ses režimi boldy. Bu funksiýa 2024-nji ýylyň 18-nji oktýabrynda çykyp, diňe Plus, Team, Edu we Enterprise nyrhnamalaryny ulanyjylar üçin elýeterli bolan başlangyç wersiýadan soň peýda boldy.
Ýöne hyzmat bilen mugt aragatnaşyk saklamak prosesi beýleki platformalar üçin niýetlenen ChatGPT-de bolşy ýaly çäklendirilendir. Bellenilen çäge mugt ulanyjy bary-ýogy birnäçe minutda ýetip biler.
Aýda nyrhnama üçin 20 dollar we ondan hem köp töleýän ChatGPT-niň premium ulanyjylary üçin Windows wersiýasy has peýdaly bolar. Çat-botuň desktop görnüşinde iş stolunda aýratyn penjiräniň bolmagy iş prosesini we programma bilen aragatnaşygy ýokarlandyrmaga mümkinçilik berer.
