28-nji oktýabrda Türkmenistanyň daşary işler ministri Raşid Meredow ABŞ-nyň Döwlet departamentiniň Adam söwdasyna gözegçilik etmek we garşy göreşmek boýunça müdirliginiň aýratyn tabşyryklar boýunça ilçisi Sindi Daýer bilen duşuşdy diýip, ýurdumyzyň daşary syýasat edarasynda habar berdiler.
Duşuşygyň dowamynda taraplar halkara konwensiýalarynyň durmuşa geçirilmegi we ynsanperwer ugurda ählumumy kabul edilen kadalar bilen baglanyşykly birnäçe meseleleri ara alyp maslahatlaşdylar.
Şunuň bilen baglanyşykly söhbetdeşler ABŞ bilen ulgamlaýyn hyzmatdaşlygy bellediler we geljegi uly ugurlar barada pikir alyşdylar.
