Prezident Serdar Berdimuhamedow Awstriýa Respublikasynyň Federal Prezidenti Aleksandr Wan der Bellene we ýurduň halkyna Awstriýa Respublikasynyň Milli güni mynasybetli mähirli gutlaglaryny, iň gowy arzuwlaryny iberdi.
Döwlet Baştutany mümkinçilikden peýdalanyp, Prezident Aleksandr Wan der Bellene tüýs ýürekden berk jan saglyk, bagtyýarlyk, abadançylyk, Awstriýa Respublikasynyň halkyna bolsa parahatçylyk, mundan beýläk-de ösüş hem-de rowaçlyk arzuw etdi diýip, TDH habar berýär.
26-njy oktýabrda awstriýalylar Awstriýa Respublikasynyň Milli gününi (National Day in Austria) baýram edýärler. Bu baýramçylyk 1955-nji ýylda daşary ýurt goşunlarynyň ýurduň çäginden çykarylmagy we hemişelik bitaraplygyň yglan edilmegi bilen baglanyşyklydyr.
