Türkmen halkynyň Milli Lideri Pakistanyň Prezidenti bilen duşuşdy

  • 12.10.2024 12:48
  • 3.5k+
Türkmen halkynyň Milli Lideri Pakistanyň Prezidenti bilen duşuşdy

11-nji oktýabrda Türkmenistanyň Halk Maslahatynyň Başlygy Gurbanguly Berdimuhamedow ýurdumyza sapar bilen gelen Pakistan Yslam Respublikasynyň Prezidenti Asif Ali Zardari bilen duşuşdy diýip, TDH habar berýär.

Gurbanguly Berdimuhamedow belent mertebeli myhmany “Magtymguly Pyragynyň doglan gününiň 300 ýyllygyna” atly ýubileý medaly bilen sylaglanylmagy mynasybetli gutlady hem-de dostlukly ýurduň döwlet Baştutanynyň şu gezekki saparynyň türkmen-pakistan gatnaşyklaryny ägirt uly mümkinçiliklerine laýyk gelýän täze derejelere çykarmakda nobatdaky tapgyr boljakdygyna ynam bildirdi.
Nygtalyşy ýaly, ýurtlarymyzyň arasyndaky gatnaşyklar dost-doganlyk, deňhukuklylyk ýörelgeleri esasynda ýola goýulýar. Halklarymyzyň taryhy kökleriniň, medeniýetleriniň, ruhy-ahlak gymmatlyklarynyň umumylygy ony yzygiderli ösdürmek üçin binýat bolup hyzmat edýär.
Iki döwlet ikitaraplaýyn, şeýle-de köptaraplaýyn görnüşde, şol sanda BMG-niň we beýleki abraýly halkara hem-de sebit guramalarynyň çäklerinde üstünlikli hyzmatdaşlyk edýärler we birek-biregiň parahatçylygy, durnuklylygy pugtalandyrmaga gönükdirilen başlangyçlaryny goldaýarlar. Şunuň bilen baglylykda, belent mertebeli myhman Türkmenistanyň başlangyjy boýunça BMG-niň Baş Assambleýasynyň 2025-nji ýyly “Halkara parahatçylyk we ynanyşmak ýyly” diýip yglan etmek hakynda kabul eden Kararnamasynyň möhüm ähmiýetini belledi.
Duşuşygyň dowamynda ikitaraplaýyn gün tertibiniň beýleki möhüm meseleleri boýunça hem gyzyklanma bildirilip pikir alşyldy.

Türkmenistanda oba hojalygynda biotehnologiýalara bagyşlanan II halkara ylmy-amaly maslahat geçirildi
şu gün 12:56
912

Türkmenistanda oba hojalygynda biotehnologiýalara bagyşlanan II halkara ylmy-amaly maslahat geçirildi

Türkmen oba hojalyk institutynda «Oba hojalyk pudagynyň durnukly ösüşinde biotehnologiýalaryň orny» atly sanly ulgam arkaly II halkara ylmy-amaly maslahat geçirildi. Institutyň metbugat gullugynyň habar bermegine görä, forum ýurdumyzyň agrar-senagat toplumyny tehnologik taýdan döwrebaplaşdyrmagy ara alyp maslahatlaşmak üçin möhüm meýdança öwrüldi...

Türkmenistanyň Prezidenti Kataryň Emirini ýurduň Milli güni bilen gutlady
şu gün 11:06
650

Türkmenistanyň Prezidenti Kataryň Emirini ýurduň Milli güni bilen gutlady

Prezident Serdar Berdimuhamedow Katar Döwletiniň Emiri Şeýh Tamim bin Hamad Al Tanä we ýurduň ähli halkyna Katar Döwletiniň Milli güni mynasybetli mähirli gutlaglaryny, iň gowy arzuwlaryny iberdi. Döwlet Baştutany hatynda...

Serdar Berdimuhamedow iş sapary bilen Ýaponiýa bardy
şu gün 09:35
4.6k+

Serdar Berdimuhamedow iş sapary bilen Ýaponiýa bardy

17-nji dekabrda Prezident Serdar Berdimuhamedow “Merkezi Aziýa — Ýaponiýa” dialogynyň birinji sammitine gatnaşmak üçin iş sapary bilen Ýaponiýa ugrady. Aşgabadyň Halkara howa menzilinde döwlet Baştutanymyzy ýurdumyzyň resmi adamlary ugratdylar...

Türkmenistanyň DIM-nde Awstriýa-Türkmen jemgyýetiniň ýolbaşçysy bilen duşuşyk geçirildi
düýn 12:28
1.8k+

Türkmenistanyň DIM-nde Awstriýa-Türkmen jemgyýetiniň ýolbaşçysy bilen duşuşyk geçirildi

15-nji dekabrda Türkmenistanyň daşary işler ministriniň orunbasary Mähri Bäşimowa Awstriýa-Türkmen jemgyýetiniň ýolbaşçysy Neda Berger bilen duşuşyk geçirdi. Türkmenistanyň DIM-niň habar bermegine görä, duşuşygyň dowamynda taraplar iki ýurduň arasyndaky gatnaşyklaryň, aýratyn-da, medeni-ynsanperwer ugurda hyzmatdaşlygyň netijeli häsiýete eýedigini bellediler...