Halkara barlagçylar topary Wi-Fi-yň we Long Range-iň (LoRa) standartlaryny birleşdirýän WiLo atly täze simsiz aragatnaşyk protokolyny taýýarlady.
Wi-Fi özüniň maglumat geçiriş tizligi bilen tanalýar, ýöne onuň çäkleri çäklidir we köp energiýa sarp edýär. LoRa bolsa, tersine, 15 kilometr aralyga çenli aragatnaşygy üpjün edýär, ýöne geçiriş tizligi pes we has az energiýa sarp edýär. ABŞ-nyň, Angliýanyň, Günorta Koreýanyň, Hytaýyň we Germaniýanyň barlagçylary bu iki standarty birleşdirip, maglumatlary az ýitirmek bilen uzak aralyklara signal iberip biljek çözgüt döretmek üçin tagallalaryny birleşdirdiler.
Işleriniň netijesinde adaty Wi-Fi enjamlary ulanylýan ýagdaýlaryň 96%-de 500 metre çenli aralykda durnukly signal ibermegi üpjün etmek mümkin boldy.
Esasy üstünlik Wi-Fi we LoRa signallaryny sinhronlaşdyrýan algoritmiň işlenip düzülmegi bolup, olaryň sazlaşygyny üpjün etdi. Bu WiLo tehnologiýasyny, esasanam, oba ýerlerinde we akylly şäherlerde Internet üçin peýdaly edýär.
Üstünliklere garamazdan, döredijiler entegem algoritmler arkaly signallary gaýtadan işlemek bilen baglanyşykly energiýa sarp edilişiniň meselesini çözmeli bolýarlar. Indi tehnologiýany energiýany has tygşytly ulanar ýaly edip kämilleşdirmegiň üstünde işleýärler.
