Ähli zerur iýmit önümlerini ýanyň bilen alyp gidip bolmaýar, kosmosda azyk ösdürip ýetişdirmek tehnologiýasy bolsa ýeterlik derejede ösen däl. Miçigan Tehnologiýa Uniwersitetiniň barlagçylary uzak möhletli kosmos uçuşlarynda azyk ýetmezçiligi meselesini çözmek üçin adaty bolmadyk bir çemeleşme tapdylar. Asteroidleri kosmonawtlar üçin iýmit çeşmesi hökmünde ulanmagy teklip etdiler.
Olar pikirlerini The International Journal of Astrobiology žurnalynda çap eden makalasynda paýlaşdylar.
Alymlaryň sözlerine görä, asteroidleri himiki we fiziki usullar bilen ýumrup, uglewodorod birleşmelerini alyp bolar. Soňra bu birleşmeler bakteriýalaryň kömegi bilen gaýtadan işlenip, ýokumly biomassany döredip biler.
Mysal üçin, alymlar ozal material nusgalaryny ýygnamak başardan Bennu asteroidini ulandylar. Bu kosmiki jisimiň umumy agramynyň takmynan 85,5 million tonna barabardygy bellendi. Asteroid mikroblar bilen döwülse, bir kosmonawt üçin azyndan 600 ýyla ýeterlik iýmit bolardy. Bir kosmonawty iýmitlendirmek üçin ortaça ýylda 5,5 müň tonnadan 175 müň tonna asteroid talap edilýär.
Barlag galyndylary peýdaly materiallara gaýtadan işlemegi maksat edinýän ReSource taslamasyndan ylham aldy. Mysal üçin, bu programmanyň bir bölegi hökmünde alymlar karamel ýogurdyna meňzeş plastmassadan biomassany ýasamaga synanyşdylar. Asteroidler hem köp mukdarda ugleroddan ýasalanlygy sebäpli plastmassa meňzeýär.
Geljeginiň bardygyna garamazdan, pikir henizem nazary tapgyrda. Alymlar asteroidleri bakteriýa iýmitine gaýtadan işlemek üçin kosmosda zawodyň analogyny gurmagyň çylşyrymlydygyny boýun alýarlar. Şeýle-de, biomassanyň potensial zäherlidigini hem öwrenmek gerek.
