Türkmenistanyň Saglygy goraýyş we derman senagaty ministrliginiň garamagynda hojalyk hasaplaşygynda işleýän hem-de tölegli hyzmatlary ýerine ýetirýän 400 orunlyk Halkara sagaldyş-dikeldiş merkezi dörediler. Degişli Karara Türkmenistanyň Prezidenti gol çekdi.
Resminama laýyklykda, bu halkara merkez bellenen tertipde dörediler hem-de şu merkez hakyndaky Tertipnama bellenen tertipde tassyklanar.
Bellenilişi ýaly, bu resminama Türkmenistanyň Prezidentiniň “Saglyk” Döwlet maksatnamasyny üstünlikli durmuşa geçirmek, ilatymyza halkara ölçeglere laýyklykda, innowasion tehnologiýalara esaslanýan döwrebap sagaldyş-dikeldiş kömegini guramak, saglygy goraýyş ulgamynyň maddy-enjamlaýyn binýadyny has-da pugtalandyrmak maksady bilen kabul edildi.
