Hytaýly alymlar himiki taýdan indusirlenen sütün öýjüklerini ulanyp, 1-nji derejeli süýji keseli bolan 25 ýaşly hassany üstünlikli bejerdiler. Näsag 11 ýyl bäri bu keselden ejir çekýän eken, transplantasiýadan 75 gün soň ol insulin almagy düýbünden bes etdi.
Bu usul gaýtadan programmirleme faktory hökmünde hereket edýän ownuk molekulýar himiki serişdeleri ulanyp, ýag dokumasyndan alnan sütün öýjüklerini ulanmaklyga esaslanýar. Bu öýjükler durnukly dikelmäge mümkinçilik berýän insulin, glýukagon we somatostatin öndürýär.
Bu amal 2023-nji ýylyň 25-nji iýunynda Şen Çžunýanyň ýolbaşçylygynda geçirildi. Ondan öň hassa iki gezek organlaryň şowsuz transplantasiýasyny başdan geçiripdir. Täze çemeleşme glýukoza gözegçiligiň gowulaşmagyny we gliklenen gemoglobiniň 5%-e çenli azalmagyny üpjün etdi, bu bolsa onuň doly dikelendigini görkezýär.
Gözlegiň netijeleri Nature žurnalynda çap edildi. Alymlar has giňden ulanmak maksady bilen bu usulyň howpsuzlygyny we netijeliligini tassyklamak üçin goşmaça barlaglaryň zerurdygyny nygtaýarlar.
