Türkmenistanyň DIM-nde EXPO 2025 Bütindünýä sergisine taýýarlyk meseleleri maslahatlaşyldy

  • 03.10.2024 10:44
  • 896

1-nji oktýabrda Türkmenistanyň daşary işler ministriniň orunbasary A.Gurbanow Ýaponiýanyň DIM-niň Merkezi Aziýa we Kawkaz sebiti boýunça ýörite wekili Isikawa Masaki bilen duşuşdy.

Türkmenistanyň DIM-nde geçirilen duşuşygyň dowamynda taraplar yzygiderli ýokary derejedäki syýasy dialoga esaslanýan türkmen-ýapon gatnaşyklarynyň ösüşiniň ýokary derejesini bellediler. Şunuň bilen baglylykda sebitleýin we halkara düzümleriň çäklerinde ikitaraplaýyn hyzmatdaşlygy giňeltmek boýunça ileri tutulýan ugurlara garaldy. «Merkezi Aziýa + Ýaponiýa» dialogynyň ähmiýeti nygtaldy.
Taraplar söwda-ykdysady hyzmatdaşlygy ara alyp maslahatlaşdylar. Gaz himiýasy we ulag pudagynda, şol sanda iki ýurduň gatnaşmagynda maýa goýum taslamalarynda oňyn tejribe bellenildi. Golaýda Türkmenistanyň wekiliýetiniň gatnaşmagynda geçiriljek EXPO 2025 Bütindünýä sergisine taýýarlyk meseleleri giňişleýin ara alnyp maslahatlaşyldy.
Mundan başga-da, taraplar ýakyn geljekde meýilleşdirilen bilelikdäki çäreleri öz içine alýan medeni-ynsanperwer hyzmatdaşlygy ara alyp maslahatlaşdylar. Diplomatlar ylymda we medeniýetde özara hyzmatdaşlygy dowam etdirmegiň ähmiýetini bellediler.


düýn 22:35
881

Kiýewdäki kitaphanada Magtymgula we ukrain pelsepeçisi Grigoriý Skoworoda bagyşlanan sazly çäre geçirildi

26-njy noýabrda Kiýew şäheriniň Swýatoşinskiý etrap döwlet dolandyryş edarasynyň Medeniýet bölüminiň «Swiçado» merkezi kitaphana ulgamynyň Magtymguly adyndaky kitaphanasynda «Ruhy çyraglar: Skoworoda we Magtymguly» atly şygryýet we saz çäresi geçirildi...

düýn 22:27
641

Dohada hökümetara türkmen-katar toparynyň mejlisi geçirildi

26-27-nji noýabrda Katar döwletiniň Doha şäherinde Söwda-ykdysady hyzmatdaşlyk boýunça hökümetara türkmen-katar toparynyň 3-nji mejlisi geçirildi. Mejlise iki ýurduň birnäçe döwlet edaralarynyň we işewür toparlarynyň ýolbaşçylary hem-de wekilleri gatnaşdylar diýip, Türkmenistanyň DIM-niň saýtynda habar berilýär...

düýn 22:21
417

Raşid Meredow Şri-Lankanyň DIM-niň ýolbaşçysy bilen Aşgabatda geçiriljek forumy maslahatlaşdy

27-nji noýabrda Türkmenistanyň daşary işler ministri Raşid Meredow bilen Şri-Lankanyň daşary işler, daşary ýurtlarda iş üpjünçiligi we syýahatçylyk ministri Widjitha Heratyň arasynda telefon arkaly söhbetdeşlik geçirildi...

düýn 22:17
292

Türkmenistanyň DIM-nde Hindistanyň ilçisi bilen duşuşyk geçirildi

27-nji noýabrda Türkmenistanyň daşary işler ministriniň orunbasary Ahmet Gurbanow Hindistanyň ilçisi Bandaru Wilsonbabu bilen duşuşdy. Bu barada Türkmenistanyň DIM-nde habar berdiler. Duşuşygyň barşynda diplomatlar türkmen-hindi gatnaşyklarynyň däp bolan dostlukly häsiýetini, şeýle hem syýasy, söwda-ykdysady hem-de medeni-ynsanperwer ugurlarda hyzmatdaşlygyň netijeliligini nygtadylar...