SMM taslamasy Heppsy Günüň has owadan batýan ýerleriniň reýtingini düzmek üçin sosial ulgamlardan maglumatlary we dünýäniň dürli şäherlerinden tebigy we howa şertlerini seljerdi. Ylmy gözlegiň netijeleri “Forbes” žurnalynda neşir edildi.
Reýtingiň lideri Pariž boldy. Sanawy düzüjiler fransuz paýtagtyny 100 baldan 100 bal bilen bahalandyryp, Eýfel diňini görkezýän görnüş bilen, şeýle-de Mukaddes Ýürek bazilikasynyň we Aleksandr III köprüsiniň görnüşleri bilen Günüň batyşynyň örän ajaýypdygyny bellediler.
Reýtingiň ikinji setirini Dubaý eýeledi. Dubaý-Krik duralgasyndan Günüň batyşyna tarap owadan panorama görnüşi açylýar. Oňa ýylyň islendik güni diýen ýaly Jumeýra kenaryndan ýa-da Burj Halifa diňinden syn etmek bolýar.
Sanawyň üçünji ornunda Santa-Monika pirsi we Griffit obserwatoriýasy bilen Los-Anjeles ýerleşdi. Dördünji orna Barselona we onuň Guel seýilgähi hem-de Barseloneta kenary mynasyp boldy. Bäşligi San-Fransisko jemledi.
Reýtingde Kann, Madrid, Stambul we Gonolulu hem bar. Awtorlar Gonoluluda Waýkiki kenarynda ýa-da Tantalus syn ediş meýdançasynda Günüň batyşyndan lezzet almagy maslahat berýärler.
