23-nji sentýabrda Hyrat şäherinde Türkmenistanyň Owganystandaky Baş konsullygynyň binasynda «Magtymguly» atly kitabyň tanyşdyrylyş dabarasy geçirildi.
Türkmenistanyň DIM-niň metbugat gullugynyň habar bermegine görä, bu çärä Hyrat welaýatynyň Maglumatlar we medeniýet müdirliginiň wekilleri, Hyrat şäheriniň uniwersitetiniň mugallymlary, şeýle hem türkmen diasporasynyň wekilleri gatnaşdylar.
Tanyşdyrylyş dabarasynda çykyş edenler akyldar şahyryň umumadamzat gymmatlygyna öwrülen saýlanan eserlerini öz içine alýan neşiriň ähmiýetini bellediler.
