HHR-de uzak aralykdaky kosmosy öwrenmek boýunça geljekki missiýalar üçin azyk önümleriniň dürli assortimenti dörediler. Bu barada Çžeszýan welaýatynyň paýtagty Hançžouda geçen “Kosmos lukmançylygynyň serhetleri” forumynda habar berildi diýip, bigasia.ru belleýär.
Eýýäm taýkonawtlara kosmosda fiziologiki kynçylyklardan baş çykarmaga we 180 günden köp dowam edýän missiýalarda sagdyn bolmaga mümkinçilik berýän takyk iýmit standartlary döredildi diýip, Hytaýyň kosmonawtlary taýýarlamagyň ylmy-gözleg merkeziniň işgärleri aýtdy.
Olaryň bellemegine görä, kosmos menýusyna antioksidant täsirlerine eýe bolan, immuniteti goldaýan, ýadawlygy aýyrýan we içege mikrobiomasyny kadalaşdyrýan önümler girdi. Şeýle-de, häzir hünärmenler orbitada tagam taýýarlamagyň tehnologiýasyny işläp düzýärler, bu bolsa Ýeriň ýaşaýjylarynyň öz planetasyndan daşarda uzak wagtlap ýaşamagyny üpjün edip biler.
