Ilon Mask emeli aňy ösdürmek üçin xAI bilen Tesla-nyň arasyndaky gatnaşyklary güýçlendirýär

  • 12.09.2024 10:53
  • 5.2k+
Ilon Mask emeli aňy ösdürmek üçin xAI bilen Tesla-nyň arasyndaky gatnaşyklary güýçlendirýär

Ilon Maskyň xAI startapy bilen Tesla kompaniýasy emeli aň pudagyndaky hyzmatdaşlyk barada şertnama baglaşdylar diýip, The Wall Street Journal ýazýar.

Tesla Full Self-Driving (FSD) programma üpjünçiligini goldamak we girdejiniň bir bölegini startap bilen paýlaşmak üçin xAI-yň emeli aň modellerine ygtyýarnama berer. xAI bolsa, ses kömekçisi we Optimus roboty üçin programma üpjünçiligini öz içine alýan Tesla-nyň täze funksiýalarynyň işlenip düzülmegine gatnaşar.
Tesla sürüjileri üçin FSD-niň bahasy aýda 99 dollar ýa-da aýratyn ulanyş üçin 8000 dollar bolar. Şeýle hem Tesla robotaksileri satyp başlamagy meýilleşdirýär. Ozal Mask FSD-niň Teslanyň üstünligini birnäçe trillion dollara çenli ýokarlandyryp biljekdigini aýdypdy.
xAI bilen hyzmatdaşlyk Maskyň kompaniýalarynyň arasynda serişdeleri paýlamak tejribesini ýokarlandyrar. xAI eýýäm Tesla-nyň işgärlerini hakyna tutdy we möhüm enjamlary aldy. Şeýle hem Mask xAI Grok çatbotyny Tesla programma üpjünçiligine birikdirmek mümkinçiligini belläp geçdi.
Maý aýynda xAI dürli maýadarlardan 6 milliard dollar özüne çekdi. Tesla hem öz gezeginde şu ýyl emeli aňy ösdürmek üçin 10 milliard dollar sarp etmegi meýilleşdirýär.

Nvidia, Microsoft we Amazon kompaniýalary OpenAI-a ýene-de 60 milliard dollar maýa goýýarlar
şu gün 09:16
169

Nvidia, Microsoft we Amazon kompaniýalary OpenAI-a ýene-de 60 milliard dollar maýa goýýarlar

Nvidia mikroçip öndürijisi, şeýle hem Microsoft we Amazon tehnologiýa ägirtleri ChatGPT-niň işläp düzüjisi bolan OpenAI kompaniýasyna jemi 60 milliard dollar maýa goýmak barada gepleşik geçirýärler. Bu barada Financial Times neşiri habar berýär...

SpaceX-iň IPO-syny Maskyň doglan gününe we planetalaryň ýörişine gabatlap geçirjek bolýalar
düýn 14:25
2.5k+

SpaceX-iň IPO-syny Maskyň doglan gününe we planetalaryň ýörişine gabatlap geçirjek bolýalar

Financial Times neşiriniň berýän habaryna görä, SpaceX kompaniýasy paýnamalarynyň ilkinji gezek köpçülige hödürlenmegini (IPO) 2026-njy ýylyň iýun aýynyň ortalaryna geçirmegi meýilleşdirýär. Neşirde bu senäniň saýlanyp alynmagynyň sebäbi şol aýda kärhananyň esaslandyryjysy Ilon Maskyň doglan gününiň, şeýle-de planetalaryň ýörişiniň boljakdygy bilen baglanylýar...

WSJ: SoftBank korporosiýasy OpenAI kompaniýasyna 30 milliard dollar maýa goýar
düýn 11:02
1.2k+

WSJ: SoftBank korporosiýasy OpenAI kompaniýasyna 30 milliard dollar maýa goýar

Ýaponiýanyň SoftBank korporasiýasy OpenAI kompaniýasyna 30 milliard dollar maýa goýmagy meýilleşdirýär. Bu barada The Wall Street Journal neşiri öz çeşmelerine salgylanyp habar berýär. Neşiriň maglumatyna görä, ChatGPT-ni dörediji häzirki wagtda dürli maýadarlar bilen jemi 100 milliard dollar möçberinde maliýe serişdesini çekmek boýunça gepleşikleri alyp barýar...

OpenAI ChatGPT-niň üsti bilen gazanç edenlerden göterim almak isleýär
24.01.2026 23:35
1.6k+

OpenAI ChatGPT-niň üsti bilen gazanç edenlerden göterim almak isleýär

OpenAI kompaniýasy özüniň girdeji modelini düýpli özgertmek barada pikirlenýär. Kompaniýanyň maliýe direktory (CFO) Sara Fraýaryň aýtmagyna görä, geljekde iri kompaniýalar diňe bir ChatGPT ulanandyklary üçin däl, eýsem şol tehnologiýanyň kömegi bilen gazanan peýdalaryndan hem göterim (roýalti) berip bilerler...