2024-nji ýylyň awgust aýynda Norwegiýa elektrik ulaglaryny satmakda täze rekord goýdy: täze hasaba alnan awtoulaglarynyň paýy 94,3%-e ýetdi diýip, Tech Xplore habar berýär.
Norwegiýanyň Ýol federasiýasynyň (OFB) habaryna görä, tomsuň soňky aýynda ýurtda hasaba alnan 11 114 täze awtoulagyň 10 480-si doly elektrik, 410-sy bolsa gibrid awtoulaglarydyr. Benzin we dizel awtoulaglaryndan bary-ýogy 224 sanysy satyldy.
2024-nji ýylyň ilkinji sekiz aýynda Norwegiýadaky elektrik ulaglarynyň paýy 86,8%-e ýetdi, içinden ýandyrylýan hereketlendirijili awtoulaglar bolsa satuwyň bary-ýogy 3,4%-ini emele getirdi.
Iň meşhur model, awgust aýynda satuwy 2100 ekzemplýardan geçen Tesla Model Y modelidir.
Norwegiýa içinden ýandyrylýan hereketlendirijileri bolan awtoulaglaryň satylmagyny gadagan eden ilkinji ýurtdur. Bu kanun 2025-nji ýylda güýje girer. Şeýle çäreler kömürturşy gazynyň zyňyndylaryny azaltmaga we howanyň üýtgemegine garşy göreşmäge gönükdirilendir.
Norwegiýadaky elektrik ulaglarynyň üstünligi, zarýad beriş stansiýalarynyň giň ulgamy we esasan, gidroelektrik stansiýalary tarapyndan öndürilýän arassa energiýanyň ulanylmagy bilen baglanyşyklydyr.
