Berklidäki Kaliforniýa uniwersitetiniň alymlary “Mişlen” ýyldyzly meşhur restoranlarynyň aşpezleri bilen birleşip, azyk galyndylaryny aňrybaş tagamlara öwürmegiň usulyny tapdylar we üstünlik gazandylar. Olaryň “gizlin ýaragy” Neurospora intermedia kömelegidir.
Onkom tagamyny taýýarlamakda eýýäm Indoneziýanyň adaty aşhanasynda ulanylyp ýörlen bu kömelek banan gabygy we pomidor galyndylary kimin azyk galyndylarynyň onlarça görnüşinde köpelmäge ukyplydyr. Galyndylary iýmite öwürmek prosesi bary-ýogy bir ýarym gün dowam edýär we munda kömelek toksin bölüp çykarmaýar .
Synagyň dowamynda dadyp görüjiler onkomyň tagamyna altydan ýokary baha berdiler we ony ýer hoz tagamly diýip häsiýetlendirdiler.
Barlaçylar Blue Hill At Stone Barns (Nýu-Ýork) we Alchemist (Kopengagen) restoranlarynyň aşpezleri bilen bilelikde kömelek esasynda birnäçe täze tagam döretdiler. Mysal üçin, bananyň we duzlanan miweleriň ysyny berýän gaýnadylan tüwi kremli jeleden taýýarlanan desert.
Alchemist-iň baş aşpezi Ramsus Munk N. intermediýa bilen geçirilýän synaglaryň hemişe şowly bolmaýandygyny, ýöne üstünlikli netijeleriň “bütinleý öwrülişikli mümkinçilikleri” açýandygyny aýtdy.
Bu barlag Nature Microbiology žurnalynda çap edildi.
